torstai 12. helmikuuta 2015

Valgei tansi

Karjalazien keskes on nerokkahii kiändäjii, kuduat maltetah kiändiä runoloi. Midä runoloi - kiännetäh kai pajoloin sanoi! Moizii kiändäjii on Tatjana Baranova. Täs yksi hänen kiännöksis:

Valgei tansi

Soitandu kuuluu myös.
Neistansin soittai ilmoitti vai,
Azetuin sinun ies,

Rohkiesti annoin sinule käin.

Tahtozin minä ottua tansih
Sinuu, sinuu vai,
Lähtemmö val’sih kahtei käzi käis.
Pyörittäy meidy tämä val’si,
Avvuttau meile valgei tansi,
Lähendäy meidy valgei tansi täs.

Muuzikku lendoh suau,
Pyörimmö val’sis kebjesti myö.
Ihalmuo val’si tuou,
Ijäkse mustoh panemmo sen.

Tahtozin minä ottua tansih
Sinuu, sinuu vai,
Lähtemmö val’sih kahtei käzi käis.
Pyörittäy meidy tämä val’si,
Avvuttau meile valgei tansi,
Lähendäy meidy valgei tansi täs.

Белый танец

Музыка вновь слышна,
Встал пианист и танец назвал.
И на глазах у всех
К Вам я иду сейчас через зал.

Я пригласить хочу на танец Вас,
И только Вас,
И не случайно этот танец - вальс.
Вихрем закружит белый танец,
Ох, и услужит белый танец,
Если подружит белый танец нас.

Вальс над землей плывет,
Добрый, как друг, и белый, как снег,
Может быть, этот вальс
Нам предстоит запомнить навек.

Я пригласить хочу на танец Вас,
И только Вас,
И не случайно этот танец - вальс.
Вихрем закружит белый танец,
Ох, и услужит белый танец,
Если подружит белый танец нас.

слова И. Шаферана, музыка Д. Тухманова.

Kiännös Tatjana Baranova

2 kommenttia:

  1. Mennyt nedälil minä luvin kniigastu "Kiännä luojen - luo kiändäjen" (kudaman Karjalan Kielen Seura piästi ilmah jo vuvvennu 2009). Jäi mieleh Martti Penttozen algusanois olii virkeh: "Kiändäjän ruado, kui täs kniigasgi moneh kerdah sanotah, on "mahtotoi", a tämän tiedäjen ruado kebjenöy, ollahhäi toizetgi mahtottomas yli piästy."
    Erähii vuozii tagaperin äijät ristikanzat sanottih - da toizet sanotah tänäpäigi - što on mahtotoi i tyhjy ruado enämbi elävyttiä karjalan kieldy, se kuolou nepremenno kodvazen peräs. No minä uskon, ku karjalan kielel pagizijat, kirjuttajat, kiändäjät da äijät boikoit aktivistat voitetah kai nämät jygiet probliemat, da karjal siirdyy jälgipolvile muga kui ainos ennegi.

    VastaaPoista
  2. Minä
    ristikanzakse roinnuhes
    poigu, brihačču, mies

    on muamo da tuatto
    velli da sizär
    buabot, died'oit
    i muga ielleh, minun slaunoi pereh

    karjalaine libo ven'alaine
    suomelaine, ukrainalaine, beloruusu
    yksikai

    lapsusaigu školas
    viegi mustan enzimäzet suvaičukset i tuskat
    sit pidi mennä ruadoh
    srojie da riiččie
    viizi päiviä nedälis

    ga päiväine yhtelläh nouzou joga huondes
    hos en ainos ellendä eloksen tarkoitustu
    libo en sua putillistu palkua omas ruavos

    Huomei on suovattu, vällypäivy,
    äijän uuzii da vahnoi dieloloi
    kudamat vuotetah tädä brihua

    (Tundematoi kirjuttai, 27. 11. 2015.)

    VastaaPoista