tiistai 30. elokuuta 2016



Jo terväh Kiännä!-projektu  järjestäy toizen kiännösseminuaran. Kiännösseminuaru II pietäh päivinny:

7.–8.10.2016
13.–14.01.2017
31.03–1.04.2017

Seminuaru pietäh Päivännouzu-Suomen yliopiston Jovensuun kampuksel luvendozualois AG 109 da AG 214.

Kiännösseminuaran II piätiemannu roih kirjalližuon kiändämine karjalakse. Enzimäzen seminuarukerran programmas on luvenduo opastukses kaunehkirjalližuon kiändämizeh (Päivi Kuusi), Muumi-kniigoin karjalakse kiändämizes (Natalia Sinitskaja), Karjalan Kielen Seuran julgavoruandas (Arhijepiskoppu Leo), kiännösruavon histouries (Riikka Iso-Ahola) da karjalankielizes Wikipedies (Ilja Mošnikov). Luvendoloin ližäkse roih harjoitustu da ruandua Wikipedii-pajas.

Tarkembi programmu tulou vähästy myöhembä.

Kiännösseminuarah II voibi ilmoittuakseh sähköpoštači projektan koorginuattorale Natalia Giloevale adressih natalia.giloeva@uef.fi. Päivännouzu-Suomen yliopiston opastujat voijah ilmoittuakseh WebOodan kauti.

Seminuaru pädöy kaikile karjalan kieles kiinnostunnuzile, ga harjoituksien luadimizeh pidäy olla karjalan kielen maltuo. Päijäh kai karjalan kielimuvvot! Gu ollet jo kiändänyh karjalakse, tule sanelemah omis kogemuksis karjalan kielen kiändäjänny!
Kogo seminuaran suoritannuot suajah omas ozanotandas tovestuksen, ga seminuarah voibi sežo tulla vaigu kuundelemah.

Ottai karjalan kielen kiändäjän ruadoh!
Elvytä karjalan kieldy kiändämäl!
Verkostoiččei toizien kiändäjienke!